Google ADS

Tahiri: Asnjë çështje nuk do ta pengojë anëtarësimin e Kosovës në KiE

22:34 | 24 Janar 2024
E.H

Deputeti i AAK-së, Besnik Tahiri, si pjesë e delegacionit të Kuvendit të Kosovës në Këshillin e Evropës, ka folur për rrugëtimin e Kosovës për t’u bërë pjesë këtij institucioni evropian, por edhe për çështjen e pronës së Manastirit të Deçanit.

Tahiri e vlerësoi si të rëndësishëm konsensusin brenda grupimeve politike të IPP-së, të socialdemokratëve, të liberalëve, për të mbështetur me votë anëtarësimin e Kosovës në KiE.

Tahiri vuri në dukje angazhimin e delegacionit të Kuvendit të Kosovës, për t’i bindur grupimet politike për anëtarësimin e Kosovës në KiE.

“Raportet tashmë janë të përgatitura dhe baza e raporteve është pozitive. Kanë qenë tri tema që janë diskutuar, ligj për shpronësimet, çështja e Asociacionit dhe çështja e Manastirit të Deçanit”, ka theksuar Tahiri për rtk-në.

Ai u shpreh i bindur se asnjëra nga këto tema nuk do ta pengojnë anëtarësimin e Kosovës në KiE.

Shpërndaje në rrjete sociale

Lajmet më të lexuara

Të ngjashme

Foto lajm